黃子華金句


黃子華金句
(全廣東話,你睇唔睇得明啊?)

飲得high high地,不如返屋企
損人先利己,打贏靠暗器
若要人不知…唔好甘低B….
得閑奸一奸,大病都好翻
你唔醜,你點算醜啊,你係塊面唔多實用咁解嘛,你慨鼻台太大,啲眼耳口鼻咪唔見使咯

處男系無資格自殺慨!
錯就要認!要對方認!!!
損人不利己,不如跳井死~~~
有恩不報未算差…..有仇不報正人渣….
三十六著,恃强淩弱

江湖一滴血,
不對外人說。
如對外人說,
日夜流鼻血。

愛情有如流星雨,短暫而美麗
如果你沒有時間談情就請你跟我露營
只要有泳衣,死左都有得醫
你好巴閉咩?我够有3個C咯,CHEAP、CHEAPER、CHEAPERPER
你愛的,得唔到。你唔愛的,你甩唔到
卸咗妝後仲認得叫做化妝,認唔嘅叫做喬裝
化妝叫make up,女人唔單止俾個make up你睇,仲要俾埋個making of你睇
鞠躬盡瘁死而後已,If I try so hard, I will die after worst.
百佳呢個名改得好,甘大間鋪頭只系得1oo樣野系佳.呢D咪叫做謙虛羅
基本上男人系做到三個不,不主動,不抗拒,最重要我地系不負責慨
D老闆成日話D員工做野都唔羅個心出來,激死人。D員工就成日話老闆都唔羅舊金出來,洗死人

你返去同日本人講~~~釣魚臺我地中國的!
佢畀份人工你,一半係畀你做嘢嘅,一半係畀你受氣嘅
D猪扒令到我哋D男人好唔安樂
但却令到你哋D女人好快樂
buffet 不妨太過份,出猫不要太高分
我有一份工…叫做陰功
喺愛情之中,女人最偉大!男人慨犧牲,就爲咗追求美麗;而女人慨犧牲,就只系得到一個麻甩佬!而最偉大慨系佢哋根本唔覺得系犧牲。

我第一次戀愛之前,我慨小龍女只需要一個條件,就系靚,我知我咁樣諗好膚淺,但系嗰陣時我重細,唔知道原來身材都好重要架。

殺人放火金腰帶 今次唔得幫你挽鞋!

唔該你失戀就唔好唱情歌啦,失戀唱情歌即系漏煤氣,你關窗姐
好多人結婚,最初就以為自己係婚姻慨用家。後來先發覺自己係感情慨炒家,于是想離婚。但係離婚又要攪幾年,睇住周街都係新盤靚盤,自己個盤又放唔出,幾難受!

我從小就知道,我係一個偉大慨演員。
人哋細個成班細路群埋,鐘意玩扮結婚,扮爸爸媽媽。我細個,就鐘意扮奸夫淫婦。
但係唔知係咪我個樣比較老實,我係從來都冇機會扮奸夫。每次我都係扮淫婦……嘅老公。
雖然係咁,雖然,我亦都係成班人之中最細嗰個。但係我已經可以將一個妒忌慨男人心態表現得淋漓盡至。
當然,我啲朋友個個都贊我,話我天生出嚟,就係戴綠帽慨。
如果你話我聽,因為我唔靚仔,所以唔可以做戲,你唔應該話我聽!因為唔關我事,我唔應該負呢個責任,你應該同我父母講,係佢哋攪成我咁嘅。如果你要罰,應該罰佢哋。以後,邊個醜樣,就罰佢爸爸媽媽唔準做戲!或者剩係做茄呢啡!

我唔係一個唔負責任嘅人,為我爸爸媽媽嗰短短一剎嘅快感,我已經負責負咗廿幾年。你估做我好易做啊?
我細個讀書唔好,或者唔合格,我冇要父母負責。我自己簽曬啲成績表慨。
每當我爸爸媽媽有爭執鬧交嘅時候,我有冇叫佢哋為咗我嘅童年著想,忍下對方?冇!我叫佢哋出街鬧!
我大個咗,唔知應該信邊個宗教,唔知做人為乜,唔知人生事業慨方向都冇要求父母照顧我。
反而係我調番轉頭,提醒佢哋:你哋要搵錢啊,積穀防飢啊,唔係第日老來無依無靠啊!
乜嘢都係我!
一件污,二件穢,三件無所謂。

白雪公主,識得果個系王子,灰姑娘識得果個又系王子;
有個有特殊嗜好,中意錫青蛙嘅女人錫左只青蛙一淡,只青蛙變出嚟慨又系王子!
有冇人諗過根本個王子系同一個人呢?
根本呢個王子都不知幾花心,周圍溝女。仲無良到扮青蛙去溝添!
所以話,其實呢個世界上沒王子,只有仆街,最憎就系果D扮王子嘅仆街!!
但後來隨著世界嘅發展,我覺得現代嘅愛情故事當中,其實都系無公主嘅。
因爲等白馬王子救嘅果個系公主,拿把劍嘅王子救果個又系公主,就連扮青蛙果個王子救嘅都是公主。
其實果個公主都唔知比人救過幾多次啦。
甘又有冇人諗過根本個公主其實都系同一個人呢?呢個公主其實都不知幾貪心想有好多王子救佢。

愛唔係PART-TIME,你唔可以話:『愛!做完咪走囉!』
戀愛係一盤生意,你要二十四小時諗住佢
自己生意,冇所謂PART-TIME 正識
人地放假或者過年過節,你更加要開OT添。
行花市啦行海旁啦睇戲食飯啦….
你有乜o野競爭對手呢?
我冇競爭對手?!
你估你係專利巴士公司呀?
港巴都執o左啦!有冇考慮結婚?
咁就要向公衆交代,咁就即係上市啦!
所以,『中學生應否談戀愛』唔係問題、問題係『人類應否有兩份全職工作?』
你再拍拖,需要知會你老闆:
『老細,我出面搵o左份戀愛,我真係好需要呢份戀愛,不過公司o野我會照做,我兼顧到。』
然後你老闆會話:
『咁你不如搵多份愛情,咪直情唔洗番呢分工囉』

依家D人溝女,對絛女最大o既要係乜呀?
唔係靚,最緊要,係夠新鮮!乜o野叫做夠新鮮呀?

就係話、溝o左一年o個個,就唔夠溝o左半年o個個咁正。
因為半年o個個新相識,新鮮D。
同樣,溝o左半年o個個,就唔夠三個月咁正。
溝o左一個月就唔夠半個月o個個咁正。
溝o左一日就唔夠半日o左個正,如此類推,終於…
溝o左o個件,就唔夠未溝果件咁正!
咁即係點呢??
仲溝唔溝好呢?一溝就唔正?!

靚仔係唔係真係o甘重要呀?
有o的人話男人唔駛靚仔o既,有才華o米得囉
係,你有冇試過帶你o既才華去落disco識女仔呀
人地o的靚仔一行入去,唔洗二十分鐘,就已經同的女仔互相問問題:
「你度定我度?」
我帶住我o既才華入到去,幾難先搵到個女仔肯比個機會我
唔係比機會我交換問題,而係比機會我天才表演
唱歌跳舞做話劇講大話功夫表演,成套歡樂今宵一個人做一次…..

失戀係會令人成長o既
我失戀之前,一向都覺得世界上所有問題都有答案
點解我地每日都要8點鐘起身返工呀?
因為夠鐘o羅!
點解我地有夠鐘呢樣o野呀?
因為我地唔用浮動上班時間o羅
點解呢個世界有戰爭?
因為我地有武器羅
o甘點解我地要有武器呀?
因為佢地有武器o羅
一切都有答案,直到我失戀
阿珍,點解你唔愛我?
阿珍比o左一個經典既答覆我,佢話:
“愛情係冇點解o架,係唔可以解釋o架,唔好問啦。”(記緊這句啦)
如果番學阿sir問我o野都可以o甘答就好o勒!
“黃子華,物體燃燒點解需要氧氣呀?”
“阿sir,係冇點解o架,係唔可以解釋o架,唔好問我啦!”

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s

%d 位部落客按了讚: